Ruta 1. Cualedro: ruta dos castros

Xeodestino Verín-Monterrei ten o interese de promocionar o seu territorio mediante as rutas máis representativas que o percorren. Trátanse de 12 rutas, unha por concello, que nos achegan á nosa natureza e ao noso patrimonio do xeito máis saudable.

As inscricións para a primeira ruta estarán abertas ata o vernes 29 de maio ás 14:00 h.

Ruta 1 – Cualedro: Ruta dos Castros

Sábado 30 de maio. Ruta circular

• Hora de saída: 09:00h
• Lugar: aparcadoiro do Castro da Saceda.
• Ver lugar de encontro en Google Maps.
• O máximo de participantes é de 50 persoas.
• Actividade de balde. Necesaria inscrición.

Descrición da ruta e patrimonio que se visitará

A Ruta dos Castros é unha andaina circular de 16 km e dificultade media-baixa, con saída no aparcamento do Castro da Saceda. O percorrido combina patrimonio arqueolóxico, paisaxe aberta e elementos da arquitectura popular, pasando por A Cidá da Saceda, o Castro de San Millao, o Forno, os Muíños do río Pichos e a Pontella.

A Cidá da Saceda sitúase nun outeiro rochoso a 798 m de altitude, entre a Serra do Larouco e a depresión do río Támega. Foi ocupada entre os séculos VI a. C. e I d. C., escavada na década de 1980 e declarada Ben de Interese Cultural en 2011.

O Castro de San Millao é un dos xacementos máis monumentais da comarca. Destaca polas súas poderosas murallas e polo seu singular campo de pedras fincadas, un sistema defensivo pouco frecuente en Galicia. O asentamento está datado entre os séculos I a. C. e II d. C.

Track e máis información

https://es.wikiloc.com/rutas-senderismo/ruta-dos-castros-cualedro-265323801

Indicacións

• Levar roupa e calzado cómodos, adecuados á metereoloxía e á realización da actividade.
• Recoméndase levar auga e algo de comida para o percorrido.
• Respectar o medio natural sen tirar lixo, nin danar obxectos que se atopen no percorrido.
• Hidratarse convenintemente.
• Uso recomendado de gorro/a, crema solar e lentes.
• Levar roupa e calzado cómodos.
• Respectar as instrucións da organización.