Paraíso micolóxico no Camiño de Santiago

Entre os meses de xullo e setembro de 2021 o concello de Vilar de Barrio promove Un camiño asolagado, proxecto beneficiario do programa O teu Xacobeo da Xunta de Galicia que coordinamos dende Xeitura e Celtia Travel.

Con este programa, preténdese promocionar o Camiño de Santiago ao seu paso polo concello de Vilar de Barrio dun xeito diferente: neste mes de setembro, o faremos uniendo a práctica do sendeirismo coa gastronomía da zona.

Domingo, 12 de setembro: para un pouco no Camiño. Paraíso micolóxico.

• Actividade de balde.
• É necesaria inscrición.
• Nº máximo: 20 persoas.
• As prazas están esgotadas! Moitas grazas polo voso interese na actividade.

Para un pouco no Camiño. Paraíso micolóxico

Búsqueda, recolleita e identificación dos distintos cogomelos presentes no trazado da Vía da Prata – Camiño do Sueste ao seu paso por Vilar de Barrio.

• Percorrido de non máis de 5 km.
• Punto de encontro: ás 10.00 horas, na Praza do Toural (ver en Google Maps).
• Hora aproximada de finalización: 13.30 horas.

Degustación final de cogomelos ao chegar a Vilar de Barrio.

Recomendacións

• Levar roupa e calzado cómodos, adecuados á metereoloxía e á realización da actividade.
• Visera ou gorra.
• Crema solar.
• Navalla.

Medidas COVID-19

• Guía e visitantes respectarán as distancias de seguridade e as pautas dispostas polos organismos oficiais.
• Obrigatorio o uso de máscara.