Programa Actívate en Lugo

Cargando Eventos

Programa Actívate en Lugo

1 maio a 27 xuño

As próximas fins de semana de maio e xuño, a Deputación de Lugo promove o programa Actívate en Lugo, que coordinamos dende Celtia Travel e Xeitura.

Actívate en Lugo é un programa para fomentar o turismo de proximidade. Para cumprir con este obxectivo, preparamos 18 actividades de turismo activo, científico e mindfulness en diferentes concellos da provincia lucense.

Na web do programa poderás atopar toda a información e inscricións a estas actividades.

Aquí tedes un resumo das actividades que preparamos con agarimo para este programa da Deputación de Lugo para a activación do turismo.

Actividades de turismo activo

1.- Sendeirismo na fervenza de Auga Caída (Concello de Pantón)

Sábado 22/05/2021. Realizaremos unha ruta de sendeirismo de 8 kilómetros de distancia e de dificultade baixa no corazón da Ribeira Sacra para coñecer unha das fervenzas mais espectaculares de Galicia, a Fervenza de Auga caída ou Marce.

2.- Kaiak no río Eo (Concello de Trabada)

Domingo 27/06/2021. Actividade de kaiak na parte baixa do río Eo, nunha zona de augas tranquilas, onde poderemos disfrutar da paisaxe. Á vez que navegamos tranquilamente nas embarcacións, coñeceremos todos os segredos da zona da man dos guías.

3.- En bici pola via verde e montes de A Pontenova

Domingo 30/05/2021. Ruta en bicicleta de montaña de nivel medio e uns 25 kilómetros, na que coñeceremos diferentes lugares do Concello de A Pontenova.

4.- Surfeando na costa de Foz

Domingo 13/06/2021. Unha actividade de iniciación á disciplina do Surf nun marco incomparable como son as praias de Foz, na Mariña central.

5.- Sendeirismo na costa de O Vicedo

Sábado 26/06/2021. Este sendeiro é unha combinación do PR-G 156 e outras sendas que nos permitirá admirar a beleza da costa de Lugo desde a Ría do Barqueiro e o Cabo de Estaca de
Bares ata a praia de Tixososo. Ruta de 12 km de dificultade baixa.

6.- Barranquismo no río Eiriz, na Serra do Courel (Concello de Folgoso do Courel)

Domingo 2/05/2021. Unha actividade de barranquismo nun barranco excavado en lousas, moi estético e con gran vexetación. O río Eiriz presenta bo caudal todo o ano e é asequible a todo
aquel que queira disfrutar de varios rápeles, saltos, tobogáns e sifóns.

7.- Sendeirismo Castelo de Pambre e Torrentes de Mácara (Concello de Palas de Rei)

Sábado 12/06/2021. Pequeno percorrido circular de 15km polo río Ulla, Torrentes de Mácara, no que ademais visitaremos o Balneario de Frádegas e o Castelo de Pambre. Inclúe visita ao interior do Castelo de Pambre.

Actividades de turismo científico

8.- Cospeito a vista de paxaro

Domingo 9/05/2021. A Lagoa de Cospeito constitúe un dos humidais interiores mais importantes de Galicia, un hábitat protexido de moi alto valor ecolóxico e paisaxístico. Nesta actividade o noso guía ornitólogo, con prismáticos e telescopio, nos amosará a lagoa nun paseo de 6km para coñecer as aves que habitan nela, así como nos ecosistemas forestais que a rodean.

9.- Iniciación aos cogumelos de primavera (Concello de O Incio)

Sábado 1/05/2021. Saída ao campo nun entorno espectacular na procura de cogumelos de primavera, que aínda que menos abundantes que os de outono tamén se poden atopar fácilmente na nosa contorna. Daremos un pequeno paseo duns 4 kilómetros acompañados dun guía micolóxico que nos ensinará todos os segredos deste fascinante mundo.

10.- Os incribles ceos do Xistral

Sábado 5/06/2021. Charla didáctica para ensinar a contemplar o ceo nocturno, identificar as constelacións mais importantes de cada época do ano. Tratarase de que todo o mundo aprenda a usar os aparellos de observación dende o Concello de Muras, que recentemente foi declarado Destino Starlight pola Fundación Starlight.

11.- As pegadas da fauna (Conello de A Fonsagrada)

Domingo 20/06/2021. Nesta actividade achegarémonos ao mundo dos rastros animais da man dun naturalista na zona de A Fonsagrada, onde faremos un pequeno percorrido no que nos iremos fixando nos poibles rastros que poidan deixar os animais da zona, así como tentaremos observar todos aqueles que poidamos, mediante o uso de prismáticos.

12.- Aventura no Castro de Vidalonga (Conello de Castro de Rei)

Domingo 6/06/2021. Visita dramatizada na que se achegará aos participantes á historia do castro de Viladonga, castro galaico-romano situado no municipio de Castro de Rei. Trala visita
se realizará un obradoiro de cerámica dirixido aos mais pequenos e no que pode participar toda a familia.

13.- Entre viñedos ao carón do Canón do Sil (Concello de Sober)

Domingo 16/05/2021. No corazón do Canón do Sil faremos unha pequena ruta para disfrutar dos viñedos colgados sobre o río Sil e pasaremos polos miradores do Duque e pena do Castelo.
Ao rematar a ruta achegaremonos a unha das adegas da zona onde poderemos degustar os fabulosos viños que con tanto esforzo e agarimo se producen nesta zona única e espectacular.

14.- O Courel, onde as forzas xeolóxicas dobraron montañas (Concello de Quiroga)

Sábado 15/05/2021. Realizaremos esta actividade no Courel, declarado pola UNESCO como Xeoparque Mundial. Este paseo xeolóxico polo concello de Quiroga permitirá descubrir as pegadas que deixou na serra do Courel, un dos maiores choques entre continentes que existiu na historia do noso planeta.

Actividades de mindfulness

15.- Baños de bosque nos Ancares (Concello de Cervantes)

Sábado 29/05/2021. Na natureza todo ten o seu propio ritmo. Solo parándonos poderemos velo. Os baños de bosque ou Shinrin-yoku é unha terapia orixinaria de Xapón que permite baixar o ritmo, espertar os sentidos e relaxarte. A idea é vivir a túa propia experiencia sensorial a través de pequenas actividades propostas por unha guía que che permitirán conectar co entorno.

16.- Triacastela cos cinco sentidos

Sábado 8/05/2021. Obradoiro creativo deseñado para que a infancia descubra o mundo que a rodea a través dos sentidos. Mediante a realización de pequenos xogos poderán desenvolver
as súas capacidades e desfrutar dun ambiente tranquilo e relaxado. O espazo onde se levará a cabo a actividade está deseñado especialmente para descubrir, experimentar e compartir en grupo.

17.- Introdución ao Tai-Chi (Concello de Guntín)

Sábado 19/06/2021. Introdución ó Tai Chi, coñecemento da súa orixe e como relaxarse a través desta arte milenaria.

18.- Introdución ao Ioga (Concello de Mondoñedo)

Domingo 23/05/2021. Esta actividade é unha maneira sinxela e accesible de iniciarte no Ioga desde a base. Falaremos sobre qué é o Ioga e cómo pode mellorar a nosa vida vida. Tamén falaremos sobre a respiración como ferramenta para combatir o estrés e mellorar a saúde. A parte práctica contén: Mantra, secuencia de asanas (posturas físicas), pranayama (técnicas de control da respiración), meditación e relaxación.

Mais información e inscricións

Visita web da Deputación de Lugo sobre o programa Actívate en Lugo, e consulta toda a información das actividades
1 maio a 27 xuño

Programación

  • Sábado, 1 maio 2021
  • Iniciación aos cogumelos de primavera (O Incio)
  • Domingo, 2 maio 2021
  • Barranquismo no río Eiriz (Folgoso do Courel)
  • Sábado, 8 maio 2021
  • Triacastela cos cinco sentidos
  • Domingo, 9 maio 2021
  • Cospeito a vista de paxaro
  • Sábado, 15 maio 2021
  • O Courel, onde as forzas xeolóxicas dobraron montañas (Quiroga)
  • Domingo, 16 maio 2021
  • Entre viñedos ao carón do Canón do Sil (Sober)
  • Sábado, 22 maio 2021
  • Sendeirismo na Fervenza de Augacaida (Pantón)
  • Domingo, 23 maio 2021
  • Iniciación ao ioga (Mondoñedo)
  • Sábado, 29 maio 2021
  • Baños de bosque nos Ancares (Cervantes)
  • Domingo, 30 maio 2021
  • En bici pola vía verde e montes de A Pontenova
  • Sábado, 5 xuño 2021
  • Os incribles ceos do Xistral
  • Domingo, 6 xuño 2021
  • Aventura no castro de Viladonga (Castro de Rei)
  • Sábado, 12 xuño 2021
  • Sendeirismo Castelo de Pambre e torrentes de Mácara (Palas de Rei)
  • Domingo, 13 xuño 2021
  • Surfeando na costa de Foz
  • Sábado, 19 xuño 2021
  • Introdución ao Tai-Chi en Guntín
  • Domingo, 20 xuño 2021
  • As pegadas da fauna na Fonsagrada
  • Sábado, 26 xuño 2021
  • Sendeirismo na costa de O Vicedo
  • Domingo, 27 xuño 2021
  • Kaiak no río Eo (Trabada)
  •