Roteiro de Camba e Xogos de Busca da vila e do castelo

Cargando Eventos
  • Este evento ha pasado.

Roteiro de Camba e Xogos de Busca da vila e do castelo

04 septiembre 2021

Un castelo no Camiño Augas Sacras é un proxecto beneficiario do programa O teu Xacobeo. Nesta actividade, de xornada completa, realizaremos unha ruta de sendeirismo con visita á histórica igrexa de San Xoan de Camba, e xogaremos en familia á busca do tesouro no castelo e na vila de Castro Caldelas.

Esta actividade é apta para realizar en familia.

Prezo da actividade:

  • 3€/pax.
  • Inclúe: ruta guiada, visita igrexa Camba, realización de xogos de busca do castelo e da vila de Castro Caldelas (opcional), seguros RC e accidentes e IVE.
  • Non inclúe: comida.

Se queredes participar nos xogos de busca da vila e o castelo, indícalo ao facer a inscrición.

Actividade de mañá: ruta de sendeirismo

  • Quedamos en: Praza do Prado (xunto aos paneis de inicio das rutas de sendeirismo). Coordenadas: 42.374912, -7.415467.
  • Ver punto exacto no mapa: abrir en Google Maps.
  • Hora de encontro: 10.00 horas.
  • Hora aprox. de finalización: 14.00 horas.

Nesta actividade realizaremos pola mañá un roteiro guiado e interpretado que nos levará polo bucle curto da Ruta dos Bosques Máxicos de Castro Caldelas. No roteiro poderemos gozar de zonas de bosque, do río Edo e do fermoso sendeiro da súa ribeira. Tamén coñeceremos os segredos que agocha a igrexa e antigo Mosteiro de San Xoan de Camba, que son moitos!

Os bosques de Castro Caldelas son realmente máxicos!

Datos técnicos da ruta de sendeirismo

  • Distancia: 6 km.
  • Desnivel positivo: 200 m.
  • Dificultade: baixa-media. A ruta ten pouca distancia e pouco desnivel, e dependendo do tempo do que dispongamos despois da visita á igrexa de Camba (a metade de camiño) realizaremos unha versión máis curta ou máis longa da mesma.
  • Participantes: apta para todos os públicos cun mínimo de forma, e nenos (a partir de 6 anos) un pouco acostumados a camiñar.
A panorámica de Castro Caldelas dende o bucle curto da Ruta dos Bosques Máxicos é espectacular. Fotografía de Manuel Rolán Díaz

A comida será libre en Castro Caldelas, de 14:00 a 16:30. Despois terán lugar os xogos de busca no castelo e a vila de Castro Caldelas.

Actividade de tarde: xogos de busca en Castro Caldelas

Xa pola tarde realizaremos unha actividade no castelo e pola zona máis monumental de Castro Caldelas, onde teremos que, mediante pistas, descubrir os segredos dunha das fortalezas e da vila máis espectaculares de Galicia.

  • Quedamos en: porta de entrada do castelo de Castro Caldelas.
  • Ver punto exacto no mapa: abrir en Google Maps.
  • Hora de encontro: 17.00 horas.
  • Hora aprox. de finalización: 19.00 horas.

Recomendacións

Aconséllase que, segundo as condicións climatolóxicas dese día, os asistentes vaian provistos de:

  • Levar roupa e calzados adecuados para camiñar
  • Levar algo de comida e bebida para a ruta.
  • Tamén recoméndase gorra e protección solar.

Medidas anti COVID-19

  • Guía e visitantes respectarán as distancias de seguridade e as pautas dispostas polos organismos oficiais.
  • Obrigatorio o uso de máscara.
  • Seguiranse as recomendacións e indicacións que se dean por parte da organización.
04 septiembre 2021

Datos de interés

Categorías de Evento: , ,
Máximo participantes: 20pax.

Precio

3€/pax.
Inclúe: ruta guiada, visita igrexa Camba, realización de xogos de busca do castelo e da vila de Castro Caldelas, seguros RC e accidentes e IVE.
Non inclúe: comida (será libre).

Lugar de encuentro

Praza do Prado (Castro Caldelas)

42.37486, -7.41547

+ Google Map

Programación

  • 10:00 - Encontro na Praza do Prado de Castro Caldelas (prégase estar ao menos 10 minutos antes). Dende aquí comezaremos a ruta
  • 10:00 a 14:00 - Ruta interpretada e visita á Igrexa de Camba
  • 14:00 a 16:30 - Comida libre en Castro Caldelas
  • 17:00 a 19:00 - Realización dos xogos de pistas no Castelo e a Vila
  •  

Indica el número de reservas:

Las entradas no están a la venta, puesto que este evento ha pasado.